قصائد مكتوبة للشاعر حمد البريدي, قصيدة خطا, قصيدة الشعور الاولي
قصيدة خطا
عشان تبقى لا تخاف من الرحيل
اياك تستسلم ولو جرحك سطا
͏
عش مقتنع ان التغاضي مستحيل
الله له المنه وهو راعي العطا
مهما تسوي في الخلايق من جميل
يلغون تاريخك .. على سبة خطا
͏
لكل حاجه في الزمن تلقى بديل
اصبر ولو صبرك على الجمره وطا
احدٍ ليا منه زعل ينشر غسيل
واحد وحتى لو زعل .. ستر وغطا
͏
اعط السماح وخذا من العفو القليل
ترى الحياه بكبرها اخذ وعطا
ـــــــــــــــــــــــــــــــــــــــــــــ
قصيدة الشعور الاولي
غريب فكر ومختلي ..
صادق رغم زيف الوجيه ..
‘
على الشوامخ منزلي ..
كم منزلٍ ما احب اجيه ..
‘
درب الهواجس ممتلي ..
اعيش صبري واحتويه ..
‘
حزني مهو يبينّ علي ..
انا الحزن اضحك عليه ..
‘
لا تقول لي قلبك خلي ..
قلبي ما تدري ويش فيه ..
‘
ردّ الشعور الاولي ..
واعطيك كل اللي تبيه .. ‘