قصيدة فراغ الشعور للشاعر حمد البريدي قصائد مكتوبة قصيدة جديدة فراغ الشعور الكلمات
فراغ الارواح يوجع روح من يعتريه
وانا فراغ الشعور اللي بلا تكمله
لا شفت قلبي يجيه من الشقا مايجيه
اقرا عليه الفلق والناس بـ البسمله
ما احمل الحقد واكره فـ البشر حامليه
الحب هو من علينا فالزمن نحمله
ارسل علي ياضنيني كل شي تبيه
رسايل الناس غيرك اصبحت مهمله
انا اكثر انسان حزنه ما يبين عليه
اجمل الحزن واضحك له ولا استعمله
افرح عشانك معي .. فرحه ومن دون ليه
يكفيني اعيش في طرفك وانا اتأمله
العالم تشوف وجهك مثل كل الوجيه
واشوف وجهك بعيني عالم بأكمله
انساك في يوم لا .. احبك بصدك ايه
انا شعوري فراغ .. وحبك التكمله