كلمات اغنية بعد غيبه ظافر الحبابي
كلمات : بـدر المحـيني
مرحبا مليون ترحيبه
وابرك الساعات واغلاها
يوم تقبل من بعد غيبه
يزدهر ماها ومرعاها
مثلك تلبى مطالبيه
يانظر عيني و يا ماها
كم ليلٍ بت ساري به
أتبع طيوفك ولا القاها
الهوى يرسل مناديبه
وجدد البيعه لذكراها
كل ما اتهجى مكاتيبه
تنتعش روحي وانا اقراها
ماخذ من النبض ترتيبه
وماخذ من الشمس مبداها
وماخذ من الماضي الهيبة
كيف ما تفخر و تتباهى
يا وطن قلبي وتغريبه
وقبلة اشواقي ومسعاها
الجروح اللي من الغيبه
في وصالك بلسم ادواها
الوفا و العز و الطيبه
ما مشيت الا بمشهاها
جيت باللي دايم تجيبه
و جتني الدنيا من اقصاها
خابرٍ قلبي وتدري به
وعارفٍ نفسي وماجاها
مرحبا مليون ترحيبه
يا اجمل الخلان و احلاها