قصيدة جديدة للشاعر سلمان بن خالد مكتوبة
![](https://www.iq7z.com/wp-content/uploads/2018/05/hqdefault-1-300x166.jpg)
لو اني صحيح احب نفسي واحب الكر
ماكنت اعطي المحروم حاجه وانا ابيها
ولو الناس ممكنها تتغير بضغطة زر
يا كم نفس اقفت ودي اني التقي فيها
لك الحمد ياربي على الماطره والحر
كثر ما الحياة تحب خشمي واخليها
تباهى الزمان المر وشفنا الزمان المر
يدور على النفس العزيزه ويبغيها
وفالشعر يابعض الاسامي كزوجة سر
ولو انك تدقق شفتها من اساميها
وترى بالزمن ذا لا ان عرفت انك قليل شر
كلتك الرجال ورحت لقمه باياديها
تغني على ليلاك واغني لو انه مر
رغم باني ابشع صوت لازلت اغنيها
الا ياوجودي وجد عود ماعين بر
لا شاله الا ناس اول يعاديها
والا يابري حالي على المبعدين وطر
كبدي على الاشياء القديمه واهاليها
معي دفتر به لي احبك وخمس صور
اذا منت راجع لو تفضلت هاكيها
لنا الله ياضحكة حزيران ذاك الشهر
هي الضحكه اللي منك ماني بناسيها