يوم ربي كتب لي صدفة في قباله عبدالله الكربي
يوم ربي كتب
لي صدفة في قباله
اعترض لي، وشل
القلب، ظبي مذير
شلّه، ولا تخبّر
بس عرّض وشاله
وأشهد أنه تخير
يوم قلبي تخيّر
قبل أشوفه وقلبي
عن هوى الغيد داله
وعقب شوفة عيونه
والله أنه تحيّر
كان يشكي لحاله
كيف وضعه وحاله
لكن اليوم وضعه
أشهد أنه تغيّر
ي ذوات المحاسن
ماخذ له وكالة
ماخذ الزين كله
هذا الغزال الصغيّر
ويش بوصف جماله ؟
داام قلنا جماله !
كان بحرك طويل
يصير بحرك قصيّر
حي ذا الفال والله
حظ من صار فاله
لوكواني ب طرفه
تحت ضلعي القصيّر
أشهد أنه معرب
بين عمه وخاله
وجده اللي عليه
الناس دايم تسير
