الحضور غياب حمد البريدي قصائد مكتوبة
ترتمي باطرافها الدنيا .. واواجهها لحالي
لو غدت مترامية الاطراف نار مستديره
الشعور تهيّضه ذكرى .. وتطويه الليالي
ليت لي قلبٍ مهو بقلبي وافكّه من جريره
الحضور غياب .. لا صار المولع لا مبالي
والفراق وصال لا انكف خاطري والبُعد خِيره
ان نصيت انصى الاله اللي اجي له فابتهالي
وان تركت ترك شعور ما يقديني مصيره
كل ما عذرب بي الناقص .. تحاليت اكتمالي
الشهاده منه معكوسه على نفس الوتيره
لو يعرف ذياب ابن غانم .. ابو زيد الهلالي
ما غدر به من عقب ماكان فالدنيا خشيره
ولو تعرف الشمس كيف تغيب واضيع ظلالي
كان ترحمني من غياب .. يعاقبني كثيره
