قصيدة تقهوى للشعور, قصيدة ثلاث مكتوبة للشاعر حمد البريدي, قصائد مكتوبة
قصيدة تقهوى للشعور
تقهوى للشعور اللي يجي لك كره وفره
قبل لا ترتشف روحك جروحك وانت خابرها
وتدري ليه؟ قبل الليه لا تشكي ولا ذره
لو تناظر بمينا عيني .. بتسمع بواخرها
غريب وعالمي كبل يدين العالم الحره
وانا حر طليق .. يجابه الدنيا ويكسرها
يكفيني عن العالم ودرب كل ما مره
هدوء وقهوة البن العتيق .. اللي ادورها
ولا صرت اطلب السكر مع القهوه ولامره
مادام الغالي اللي غاب لـ اللذات سكرها
هو اكثر حاجه حلوه .. ولكن غيبته مره
تقهويته مرار .. وعاد روحي فيه لاخرها
ــــــــــــــــــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــــــــــــــــــ
قصيدة ثلاث
خذت من عمري ثلاث تقديني الدروب
اعتبرها سيوف لامن بغيت اسلها
خوة الطيب ذخر وان غبى شخصك ينوب
خوة يذريك من عقب ربي .. ظلها
وشور منهو لا استشرته يكفيك الخطوب
وفزعة اللي لا نخيته تجي .. في حلها
السنين تمر والناس غالب ومغلوب
والله الغالب يعز البشر ويذلها
ضحكة الوجه النظيفه مع الصدر الرحوب
تشترى بالروح جعل الردي فدوه لها
وغلطة الغالين لاجات عرضها الهبوب
كل غالي زلته غير .. مهما زلها
المحبه حرب لكن مهي مثل الحروب
زينت كل القلوب واللي هي تحتلها
حكمة الله ما درينا وش اللي فالقلوب
لو درينا .. كان تصعب الامور وحلها