قصائد العيد, زينة العيد, عيدنا الليله, كل عام وانت بخير, قصائد مكتوبة
هذا صباح العيد ، ياناعم الجيد
وهذاك فستانك ، وهذي عطورك
تعال وعايدني مع أول العيد ، !!
بكحل عيوني ، بـ لحظة مرورك ، !
انا اشهد أنك غير ، يا سيد الغيد
في گـل حاجه غير ، حتى بشعورك
العيد ، لـ العشاق احلى المواعيد
زودن على نور اول العيد .. نورك
لا عاد تهتم واجد بزينة العيد !
العيد أصلاً ( زينته ) في حضورك
للشاعر – ناصر الوبير
ـــــــــــــــــــــــــــــــــــــــــــــــ
دق رقمي .. واتصل فيني وطمني عليك
وكل كلمة حب من ساعة عرفتك عيدها
صافح اسماعي بصوتك مثل ما اصافح يديك
عيدنا الليلة وباقي الناس بكره عيدها
للشاعر – محمد جارالله السهلي
ـــــــــــــــــــــــــــــــــــــــــــــــ
لو التفاتاتي وراها خير..
ماكان شفت الدمع يظلمها!
كل شيء ممكن فالحياة يصير..
الا اني ابقى جرح يالمها!
حبيبتي كل عام وانتي بخير..
هالكلمة هذي باتكلمها!
ثاني سنة مرت عليك بخير
وثاني سنة ولا تاقلمها!
للشاعر – سلمان بن خالد
ـــــــــــــــــــــــــــــــــــــــــــــــ
كل عام وانا احبك اكثر من العام
على مرور الوكت من غير تحديد
عيدي معك ماهو محدد بالايام
في كل يوم اواجهك اعتبر عيد
ـــــــــــــــــــــــــــــــــــــــــــــــ