قصة وقصيدة راعي المغسلة حمد البريدي قصائد مكتوبة كاملة
(القصة)
عامل في مغسلة ملابس
امرله دائما والناس يمرونة
لكن فيه ناس يجونة
بمزاجية مختلفة
قليل اللي يبتسملة
وهوه شخص مبتسم دائما
(القصيدة)
صديقي وراعي المغسلة ياكثر ما اسهى!
لا قام يتبسم واتبسم على شانه
سنافي ومسلم .. والمفاهيم مغرسها!
تبين بكلام الشخص وتبين باعيانه
يقسم معاشه للعيال ومدارسها!
وباقي المعاش لوالدينه ولاخوانه
وبعض العرب لو يلعن الفقر مترسها!
مهو يقتنع من جور نفسه وبهتانه
الايام عسره تبغي اللي يسايسها!
والاحلام خيل .. وكل فارس وميدانه
عظيم الرجل هذا .. ودنيا الفنا دسها!
مثل ما يدوس الرجل هذا على احزانه
تمره وجيه ودره .. وشانت انفسها!
وياقل الضحوك اللي مره على شانه
ياليت العرب من قبل تغسل ملابسها!
تغسل القلوب اللي من الحقد مليانه