كلمات قصيدة لو سولفو من ورايا ما نقص لي قدر تركي عواد مكتوبة
لو سولفو من ورايا ما نقص لي قدر
بعض السوالف اطوفها على مشتهاي
لو التفت للامور الناقصه يا كثر
لو كل حاجه بسمعها بيكثر بلاي
من طيبها العين عيت لا تطالع حدر
وشلون تبغى اطالع من يسولف وراي
الناس ما خلت محمد رسول البشر
تبيني اسلم من لسان البشر في قفاي
من كثر ما شافت عيوني رماح الغدر
ما ادري انتبه للعدا ولا انتبه لاخوياي
في حاجتي مالقيت اللي بي وقوفه يسر
يوم تعثر من الدنيا واحارب شقاي
من عافني بضيقتي يوم الليالي قشر
لا شافني بخير لا يجي يوقف معاي