لاتحاول تكسب الناس ورضاها – تركي عواد قصائد مكتوبة كاملة
لاتحاول تكسب الناس ورضاها
البشر ماراح تسلم من حكيها
لو تحججهم / على ظهرك / وراها
قالوا الحجه تراها ” لك عليها “
الاوادم.. منت سالم من بلاها
لو تحط الجنه الخضرا بديها
ولاتطيع اهل السوالف في هواها
عش حياتك بالطريقه اللي تبيها
لو تكلفك الخساير مشتراها
راحتك / اهم حاجه تشتريها
من يطق باب المغثه لا لقاها
كنه اللي بإصبعه عينه إيعميها
قاعده خلها براسك عن سواها
لاتجاملك بشر / ماتشتهيها
ولاتفكر بالعلاقات وغثاها
والوجيه اللي تغثك لاتجيها
القلوب الطيبه .. خلك معاها
والقلوب الخايبه ” اسحب عليها ” ..!!