ماهو بكيفك تواصلني وتقطعني – حمد السعيد قصائد مكتوبة
ماهو بكيفك تواصلني وتقطعني
اما غلا بين .. او فضها سيره
ياشين لا جيت تقطع لا توادعني
ليتك تحس الوداع شلون تاثيره
ياماخذ الحب قل فيني وسمعني
حب على كبر صعب ابدل بغيره
ابحتفظ فيك وادري منت نافعني
يمكن مع الوقت .. اقول محبتك خيره
والله تدري وش اللي معك دافعني؟
اني معاك كنت امارس اخر الغيره
واحب فيك البرود اللي يقاطعني
لو ما تكلمت صمتك صعب تفسيره
ياللي عليك البشر شفها تقاطعني
من وين ماوجه الهقوات لك سيره
ياشينها من الخوي قول اتركه طعني
ماغير شره ولا انت بشايف خيره
وياشينها منك لا جيتك توزعني
في عذرك اللي على هالظروف تجييره
شف كبر صبر البشر ماعاد ياسعني
واكبر هموم العباد اشوفها صغيره
وش جاك مني خطا يومك تبيعني
في سوق ذفها عليك اسوقها جيره
انا اذكر انك الا من قلت دلعني
القلب هانت على شانك مشاويره
يا مشغل القلب بين تحبني ويعني
شفني عليك احترق ياسيدي حيره
مرات اقول اتركك .. لا شك يمنعني
شي يقول اعذره واقبل معاذيره!
قلت احتفظ فيك وادري منت نافعني
يمكن مع الوقت اقول محبتك خيره
