فراغ الارواح يوجع روح من يعتريه
وانا فراغ الشعور اللي بلا تكمله؟
لاشفت قلبي يجيه من الشقا ما يجيه
اقرا عليه الفلق والناس بالبسمله
ما احمل الحقد واكره فالبشر حامليه
الحب هو من علينا فالزمن نحمله
ارسل علي ياضنيني كل شي تبيه
رسايل الناس غيرك اصبحت مهمله
انا اكثر انسان حزنه مايبين عليه
اجمل الحزن واضحك له ولا استعمله
افرح عشانك معي .. فرحه ومن دون ليه
يكفيني اعيش في طرفك وانا اتامله
العالم تشوف وجهك مثل كل الوجيه
واشوف وجهك بعيني عالم باكمله
انساك في يوم لا .. احبك بصدق ايه
انا شعوري فراغ .. وحبك التكمله
ــــــــــــــــــــــــــــــــــ
حمد البريدي