اللي يبي زلتك ماهو مراعيك فيصل العدواني
اللي يبي زلتك ماهو مراعيك
اعمى بصيره لو بصر عينه يشوف
واللي يودك لجل حاجه وشاريك
لاباع لا تلحق على فقده احسوف
بالك تداري واحدً ما يداريك
لا مثمرٍ طيبك ولافيه معروف
يشتك بك لوكان مافيك تشكيك
ومكلفك علماً ترى منت مكلوف
خذها نصيحه واستمع من محاكيك
بعض المجامل علةٍ تجرح الجوف
جنب وباعد دام مالله بحاديك
لامرت العوجا على خشمها طوف
اختر عدوك مثل ناسٍ تماشيك
لاينحدر قدرك مع كل ملقوف
حاذر من الجاهل يغير مباديك
ثم بعدها تردف على اوفها ماوف
واطعن بكفك وترك الناس تكفيك
واللي بذلت بشاية الرب مخلوف