طفله نست تكبر وغنت للحمام
عن شاعر ما كانت الجنه معه
يا ثغرك اللي يشبه الحال الغمام
يمطر كلام ما قدرت أستجمعه
كل الجمال اللي نشوفه بالأنام
والله العظيم إني أشوفك منبعه
حتى عرق وجهك ليا زاد الملام
وردً بلله الندى في مطلعه
خذني من يدينك تعبت من الزحام
سافربي عن ضيق اليال الموجعه
أنا وصلت المرحله في هالغرام
اني اشوفك بالجهات الاربعه
كل ابتسامه منك لغيري حرا
حتّى لو أن فيها اجر او منفعه
يحق لي اغار حتى من السلام
تراك فرصه مستحيل اضيعه
يا شعرك اللي علم الليل الضلام
يا مبسم مهما اشوفه ما اشبعه
ما تبع المقفي ولو عالي المقام
الا انت من بد المخاليق اتبعه
عيونك الكسلا قبل وقت المنام
تعطي قصيد الشاعر المبدع سعه
دامك معي لا يشغلك كثر الكلام
احد ما يكون بخير والجنه معه؟