في يوم وقت اليل والناس تغفيه سليم المنهالي
في يوم وقت اليل والناس تغفيه
وكل على المبيت ذهال تهيع
اذن منادي الحي وحنا نلبيه
ويالله عسى يارب هالذنب يشفع
يالس مع السمار ونادو باساميه
وقضيت له الليل ساجد واركع
حتى صلاة الفجر كلن يثنيه
وانا ترا يا ناس صليت اربع
اهواه من زد عربي يا ناس واغليه
ولانه وسط الفواد أسمه تربع
حتى القمر لو هو تبسم يهنيه
وباقي الكواكب والثريا تسجع
حريف ولو فالصيد ظني بيخطيه
لانه يفز العنق من عقب م ارتع
وماكل من يبغا الدماني بيلاقيه
حد عالورق يبصم وحد ويوقع
والحر والشاهين يهواه حباريه
وانا بهوا الخفرات يا ناس مولع
خاطف على داره وقصدي بعنيه
ع سيت رنجن فوج ما شرواه يصنع
كنت اتحرا القلب شوفه يسليه
لكن لي قد صار ماهو مقنع
نظرات من حضرة جنابه ومعاليه
ياني ف وسط اليوف شروات مدفع
لكن من شاف بلوى الناس هانت بلاويه
ومن داس درب الحب لا بد يخضع
بي من هوى تلعات الارقاب صافيه
بو خذ بَرَّاقه شرا الضو يلمع
والله لأفرش له الميدان سجاد واكسيه
من كل مايبغا من الزين واصنع
وامشي معه بدرب ماني بناسيه
ان طار طرنا وان ركض له بنربع
واللي بدا في شي لابد ينهيه
واللي يبي غاليه لابد يدفع
ويلي عرفت الحب والله م اخليه
الا بعد م النفس تطرب وتقنع