قصيدة ابشرك للشاعر حمد البريدي قصائد مكتوبة كاملة
ابشرك طيب ومازلت صابر
اقاوم ايامي بعزم وجلاده
اعرف اخفي بس ما اعرف اكابر
والانسان راحة باله في ابتعاده
ما احب اسافر لكن الوقت جابر
لين السفر اصبح مع الوقت عاده
كل الجروح الماضيه لي معابر
صنعت فيها من جروحي ضماده
يا .. دون ذكر اسماء مريت عابر
وانا اسوي للشعور .. استعاده
الشوق في قلبي مثل منت خابر
والقلب عاده لاولي ذاك عاده
لو عاندتني فيك دنياي .. صابر
ياعاند الدنيا .. واحبك زياده