قصيدة تجاه نفسك للشاعر حمد البريدي, قصائد مكتوبة hamad albraidi
يافكري اللي ماخلص حبرك
صفحة هواجيسي هي القرطاس
انا اعبد الله .. ولا اشرك
مع الله الدنيا .. ولا ذا الناس
وانا الغريب اللي مهو يترك
في اوجه دروبه سوى النوماس
الحب حب الذات في عمرك
من قبل حب يشغل الهوجاس
الصمت كانه ما رفع قدرك
يحفظ مقامك ،، والوجيه اجناس
تجاه نفسك واجبك تدرك
ان المواقف دائماً مقياس
السر لو ما يحفظه صدرك
ما راح يحفظ في صدور الناس