كلمات اغنية عبير الشعر ميحد حمد
من اشعار جموح
الحان ابراهيم السويدي
مرحبا مليون من شعري وصوتي
بالـقـصــيد وبالبـيـوت الـنـادراتـي
يا هـناي ويا مـناي ويا سكـوتـــي
يا كلامـي حـتى وآنـا فـي صلاتــي
يا ذهـب يـا ورد يا كـادي وتـوتـي
يـا عبـيـر الشعـر كـله يا غـنـاتــي
يالأصيل الصامـل بـكـل الـوقـوتـي
نـور عيني نـور قلـبي في حياتــي
نافـــــل ٍ عــــن كلّ ربــَّات البيوتي
في اقصـــــــور ٍ بالمعاني عالياتي
والغلا لك مثل شربي ومثل قـوتي
والنفس لى في الصدر يطلع وياتي
أطلب الله في الصلاة وفي قـنوتـي
يحفظـك يرعـاك يـا حسـي وذاتـي
إستفز الشعر مـن صوبك سكوتـي
يا غياهيب الشعر واحلى أمنياتــي