كلمات اغنية فزاع الوسمي
كلمات : د. فارس بن مزيد العتيبي
من هو لقى مليون يمشي على القاع
عـز الـله انّـي يا جـماعه لقـيـته
( الجي ) تصميمه من ابداع لإبداع
( اقلوب خلق الله معه مستميته )
انـواره الّـي كـنّـهـا نـظـرة سـبـاع
ومن جلدها مصنوع فاخر موكيته
و عقب المطبّه لا تصوّع تصوّاع
صوّاع اماراتي عرض في بـوريته
من هيـبته ودّك تـسميـه فزاع
وشلون لو فزّاع من فوق سـيته
هيبه على هيبه حسب راي الأجماع
و كل واحـدٍ منـهم مـكـفيه صـيته
لكن لو ان الـجيب يـشرا ويـنباع
حمدان من دمّي وروحي شريته
والوسمي اللي صوته يخطف الأسماع
نخيـت صـوته واشـهد انّي نـخـيته
يا سيف، سيف الشعر بيديك بتّاع
عـلى حصانك كـل وادي طـويته
عجز الجبل شيل الأمانه و لا طاع
معك الأمـانه كان حـمدان جـيته
وان قال يا الله حيّه و مرحب الساع
قـلّه ، تـرانـي فـي مـنامـي رئـيـتـه
و رأيت حوله جمع من كل الأنواع
و صافحت كفّه من بعد محتريته
و رغم السنين عجاف لا زلت زرّاع
و الحب فالسنبل بقى ما جـنيته
الله خلق حمدان بلسم للاوجاع
حتى المغربل تفزعه لا لقيته
لا زاره الملـتاع مـا راح مـلـتاع
يروح و انـوار الـسعد مقتفيته
خـل السفينه تنطح الريح بشراع
انـت الـبـحر نفـسه بحـيّه و ميته
من غاص فيك يصير للـدرّ جمّاع
الا عـدوّك لا غـرق بـك نـهيـته
وانت الصباح لصاحبك و انت ذعاع
و انت اللـيال السـود للي نــويته
حلـحيـل حلـوٍ مـر حـصّـاد زرّاع
مـثلك مثل زايـد عسـاني فـديته
برج العرب ياخذ من ذراعك ذراع
يدعي بعيد الـدار كـنّك دعـيتـه
لو انّك اطـول مـنه فالـقدر و الـباع
و بنيت ذكرك من قبل ما بـنـيته
ما عندك الا ( تم ) في كل الأوضاع
وش عاد باقي للعرب ما هديته
لـو ان قلـبك مـا يــردنّه اضًـلاع
يمدي يا ابو راشد لراشد عطيته
ما فيه منك الا انت ، يا نادر اطباع
المـجد يرقــالك بـعد ما رقيته