قصيدة مشتاقلك حيل للشاعر مبارك الحجيلان مكتوبة
،
،
طوّل بك البعد ياللي ماتمنى سواك
اعلاجي انت وغيابك لو دقايق يسم
.
.
مشتاق لك حيل ،،، والله لايبيّن غلاك
وكأن وجهك ليا شفت البشر ينرسم
.
.
إتصدق اني كثر مغليك ،، ودي بجفاك
خايف لاأدمن لشوفة وجهك المبتسم
.
.
أشوفك اقرب من العالم عساهم فداك
وأحس في لذة إسمك لانطقت الاسم
.
.
مره أقول أتركك / مرة أدور رضاك
ولاجيت أصارحْك لاقادر ولابي نسم
.
.
يعني أنا بين بعدك وإلا اكمل معاك
أتعبني هذا الأمر / ياليت لو ينحسم
.
.
أو عاد تدري طلبتك خل هذا وذاك
تعال رتب حياتي شوفني منقسم !!!!
،
،
،
مبارك الحجيلان